\_sh v3.0  400  Text
\_DateStampHasFourDigitYear

\ref CORD16.002
\tx Bie mei ua jiibina uaido dɨona uaido urikano bitɨkaɨ, bitɨkaɨ, bitɨkaɨ,
bitɨkaɨ, ñue nano fueño bitɨkaɨ.

\ref CORD16.003
\tx Iemona ja koko nabai ua komekɨmo mei ua dukɨide, ua ɨnɨaɨ
rɨngo dukɨide.

\ref CORD16.004
\tx Iemo koko nabai ja komekɨ jafuerikaide, ja ua kaɨmanino ja
ñefikaide.

\ref CORD16.005
\tx Ja dɨnori ja ua uuritɨmɨe uai jafuekaide, ja ua kaɨmanino ñefikaide.

\ref CORD16.006
\tx Ieza ja ua eikome afeno ja meiñote, meiñote afeno ja ua jɨɨramo
erokaide, bie ieñede uai, daɨde.

\ref CORD16.007
\tx Ie jira bie izoikano itɨno eroikano jae jifirai komuide, dɨobe
komuide, afeɨe ja ua jɨɨda ja eikome iiga.

\ref CORD16.008
\tx Ieri koko nabai ja ua ɨfokɨmo ite ɨnɨaɨkɨ rairaɨfuena itɨno, naɨo ja
ua ɨfo tetenote, ja ua tetenoga ua ja ua aizɨkaide, ɨfomona,
uiekomona.

\ref CORD16.009
\tx Nɨɨe aizɨkaide ja ua jino ja ua ɨnɨaɨkɨ naango ja monaide
doboyina, ie mamekɨ jɨaɨkɨ joai.

\ref CORD16.010
\tx Dɨnori ja koko nabai komekɨ dano jiyode, ja jiyode ja ua kaɨmare
eikome dɨga uurite.

\ref CORD16.011
\tx Iekoni eikome ja ua uai arɨ ñue danomo uurite.

\ref CORD16.012
\tx Iemona dano koko nabai rɨngoza dano komekɨ ñue biya jirari, ñue
uurite ua, yera mete, jiibie dute, dɨobe jate.

\ref CORD16.013
\tx Ia dano abɨ jafuerikaide, ieri rɨngoza komekɨ dano jafuekaide.

\ref CORD16.014
\tx Ie jira afeno eikome dano meiñote, meiñua abɨna ebe rɨngo
tɨtɨrungona, ja ua jofo bite, bite ua ñuera koni ua abɨ ikuaɨ
jutanokaide, ie ebe rɨngoza tɨtɨrungo ja monaide.

\ref CORD16.015
\tx Akie izoikano bie jiibina uai, dɨona uai kɨgɨmo urimana
komuizaɨbite.

\ref CORD16.016
\tx Iemona ja ua dano ñue jaaide.

\ref CORD16.017
\tx Ie dano kaɨ komekɨ ua jɨzide.

\ref CORD16.018
\tx Dɨnori dano eikome jito ja ua bie uai, dɨona uai jiibina uai, ñue
urikano ua ie emodo igaɨ bite, bite, bite; onoinino rɨama rɨngo
uaimo erokaide.

\ref CORD16.019
\tx Dɨnori eikome komekɨ dano jafuekaide.

\ref CORD16.020
\tx Ie abɨna eikome afeno eroide, eroiya abɨna mei ua onodeza ua
bie mei ikɨrafueñede bie ua ñuefue, kɨode daɨitana, daɨde.

\ref CORD16.021
\tx Meita abɨdo ñue fɨnoda dano komekɨ joonete.

\ref CORD16.022
\tx Meita akɨ dɨnomo dɨgafue baɨbite, oñeganona itɨno, buuna
ɨfueriñenano itɨno.

\ref CORD16.023
\tx Akie izoide.