\_sh v3.0  400  Text
\_DateStampHasFourDigitYear

\ref CORD28.002
\tx Bie izoide fɨgo abɨna rɨngoza onoite, fɨgo abɨna jitokome onoite,
fia mei urue komuiya ebirena, fui abɨna onode rɨngoza uruena
onode.

\ref CORD28.003
\tx Ie mei fia ua komuitajanona jamaifuena faɨte, uruena fia mei
onode, ie urue ¿nɨeze eroikana ua komuitaitɨkue? daɨnafue ie
komekɨmo iñede.

\ref CORD28.004
\tx Nɨbaɨ mei urue komuide, urue mei fui baɨ batɨnomo kaɨ eikomena
jaaiye yezika jitaireite.

\ref CORD28.005
\tx Bie enɨemo kaɨ uruena fia ua komuitajanona fia ba okaina urue
izoi kaɨ komuitanidɨkaɨ, fia ba atava urue izoi kaɨ uruena
komuitanidɨkaɨ, fia ba jɨko izoi kaɨ uruena komuitanidɨkaɨ.

\ref CORD28.006
\tx Nia jitaɨngona yezika mei ua afeno onoiñega, ie jira kue nia
jitokomedɨkue daɨnanona uruena ua ñue uiñoñede.

\ref CORD28.007
\tx Ie fui baɨ batɨno eikomena yezika jitairede urue, rɨngoza jitairede,
fui baɨ batɨnomo kome ei ja jionaide, ie yezika kome duerede.

\ref CORD28.008
\tx Ie jira urue ñue uiñoga, yofuega, rɨngoza yofuega, ɨiza yofuega,
mei fui jitairena jira.

\ref CORD28.009
\tx Ie meinona fia dɨnomona ua dotajano mameide uiñoñega.

\ref CORD28.010
\tx Ie ɨkoɨmo ja jionaiya yezika kome duerede, eirɨngo duerede,
eikome duerede.

\ref CORD28.011
\tx Ie dɨnomo ja kaɨ komekɨmo uibikaide, uibikaide iadɨ jae mei ua ua
fɨgo ja ua kaɨna urue ja ua eroiñede, eikomedo eroiñede,
eirɨngodo eroiñede; mei nanomona ua iziruiga urue, moona
iziruite, eina iziruite.

\ref CORD28.012
\tx Ie jira akɨ dɨno jae jaka ua yoga, birui yoñega, birui afe uai
komuiñede, jae ite.

\ref CORD28.013
\tx Ie jira ñue onoiri daɨnafuena bie ite, fia ua yoñega.

\ref CORD28.014
\tx Meita dɨno akie izoidɨno ja komekɨredɨno uruena ñue komuitate,
ñuera uaina yoga, ñuera yetarafuena yoga, abɨna ie onoiyena,
rɨngoza ɨiza daaje izoi.

\ref CORD28.015
\tx Ie jira jae kue mei afe izoide uaido kue komuitaga, kue urue kue
yua uai, kue rɨngoza kue yua uai.

\ref CORD28.016
\tx Ie fui komogɨma komuiadɨ, rɨngo imakɨ oyɨnomo fui imakɨ yoyena,
ie jira afeno yoga.

\ref CORD28.017
\tx ¿Neemei taɨno uibite? omoɨ daɨiri, ¿neemei akɨ daɨi iñede? omoɨ
daɨiri.

\ref CORD28.018
\tx Akɨ daɨi ite jaka ua jae mei kaɨ iñena yezika afe uai jaka ite.

\ref CORD28.019
\tx Ite iadɨ buu afeɨedo uruena komuitañede, rɨngozana komuitañede.

\ref CORD28.020
\tx Akie izoikano ite uai.