\_sh v3.0  400  Text
\_DateStampHasFourDigitYear

\ref CORD44.002
\tx Uafue mei yotɨo, moo.

\ref CORD44.003
\tx Mei batɨnomo mei taɨnona mei ite, fia kaɨ ua afe izoikano mei ite
komekɨdo iñenado, kaɨdo fɨeni mei ua kakaide.

\ref CORD44.004
\tx Mei kaɨ bie ua jɨaɨenamakɨdɨkaɨ afe izoidɨnona fɨnoñedɨkaɨ.

\ref CORD44.005
\tx Jae jaka mei ua daɨi bite kaɨ uzutɨaɨ.

\ref CORD44.006
\tx Ie mei kaɨmo mei ite naino iadedɨ, afe izoikana ua ba ebena ua
naaganuaɨdo afe uaido mei zefuiñedɨkaɨ.

\ref CORD44.007
\tx Ie jira afeno mei kaɨmo ba daɨi ua dukɨino kaɨ ua iyano abɨedo
jaaide ua kaɨmo ua bite izoi ua kaɨ mameka.

\ref CORD44.008
\tx Nɨno ua aruire kaɨdo jaaide ua, jɨaɨfo kaɨdo jaaide, fia mei ja
biemo mei yoga.

\ref CORD44.009
\tx Ie mei baie mei ja nɨno mei yotɨo, mei urue daɨi zefuiyeita urue
mei afe izoi zefuiñede.

\ref CORD44.010
\tx Einamakɨ ua komekɨ ifuena ite.

\ref CORD44.011
\tx Ie mei fɨenide daɨi makade, daɨi oretaga, ie ba ua fɨbiñede ebena
ua ja ua zɨda yote, ikɨrafue taɨnede, faidode, ja ba uriyafue ja
mei komuide.

\ref CORD44.012
\tx Ie jɨaɨ bie mei jabe daanɨ kaɨ iyano, ie jira kaɨ iyano komekɨ
meiñotɨkaɨ, afeno eroidɨkaɨ, iñede mei.

\ref CORD44.013
\tx Iñede, ¿nɨbai mei ua benodo ua ba naaga mona, naaga naɨo
zuaire uurite?

\ref CORD44.014
\tx Mei iadɨ mei ja nɨno yotɨo, ikɨrafue naama dɨno jaɨkɨna mei
uuritenia fɨgora, ba ie okainaia okaina mamedo jaaide.

\ref CORD44.015
\tx Ie mei bie enɨe aiyora mei, onido makade, buu nɨɨ ei daɨiñena,
jaɨkɨna jaaide jɨaɨ, mei makadenia jɨaɨ makade.

\ref CORD44.016
\tx Ie mei ua ba oni ba jɨaɨzamo jɨkanokano uite, oni ba jɨaɨzamo
kakatakana uite, daɨi rafue iñede.

\ref CORD44.017
\tx Mei kaɨita ñeiri, mei kaɨtubimo meiñotɨkaɨ mei iñede.

\ref CORD44.018
\tx Ie jira ¿nɨno mei yoite mei beno uriye?, daɨdɨkaɨ

\ref CORD44.019
\tx Ie jira nɨɨ beno ua kaɨ uriya komekɨ, ua o eikomedɨo ua eroidɨo,
raɨidɨo, kaadɨo.

\ref CORD44.020
\tx Nɨɨe mei bie yeraberona mei iya, nɨɨe jiibizomana iya; ie afenori
fɨenide uaina iñede, ba izoidena iñede, ikɨrafuena iñede, zuufuena
iñede, ebena iñede.

\ref CORD44.021
\tx Ie jira bie izoide mei kaɨ yotɨkaɨ mei be uuritɨkaɨ, kaadɨkaɨ; iena
¿nɨbai ua be ba jɨaɨmakɨ janaɨde, jufidote?, ua ¿nɨno jenodɨmakɨ,
nɨno rakadɨmakɨ?, ua ¿nɨɨe izoidɨnodo imakɨ komekɨ jaaide?,
daɨinide, iñede.

\ref CORD44.022
\tx Bie ua uafori be ite, Moo kɨode, Moo onode, be daɨi kaɨ iyanodo.

\ref CORD44.023
\tx Mei afemɨemo ua kaɨ jitaiya jira, kaɨ jɨkaka jira afe izoikana kaɨ
joonega, nɨɨe yeraberona iya, nɨɨe jiibizomana iya, ie nimanota, ie
ñoraɨnota mei kaɨ bie uuritɨkaɨ.

\ref CORD44.024
\tx Ie be nɨɨ ua komeñede ia be ua rɨama iaiyɨnoɨ ua ja iaiyɨnoɨmo
itabiye izoikana mei bie izoi ja ba mananaita ɨaizaɨmo daɨdiaiyɨno,
jiibikongomo daɨdiaiyɨno, rɨama iadedɨ mei.

\ref CORD44.025
\tx Ja iaiyɨnoɨmo itabite bie dɨona uai ua ba ɨɨnotiaiyɨno, ua
komeñede iadɨ ua fɨmaide izoi mei bite, fɨmaide izoi kaɨ ua
nabaide.

\ref CORD44.026
\tx Ie jira afenori mei daajemo dane ua fo yɨɨnota ja mei birɨnoga
ñoraɨnoga afeiyɨnoɨ ua kaɨ kanode bibenedo.

\ref CORD44.027
\tx Ie mei bie daaje jɨaɨñede.

\ref CORD44.028
\tx Ie mei daaje taɨjɨe eroikana iaiyɨnoɨ fɨnoka, daaje komekɨ ua
meiñoyena, daaje ua uai ua nabaiyena.

\ref CORD44.029
\tx Nɨɨ uafuena bifokoni itɨno.

\ref CORD44.030
\tx Ie jira mei aferi bie ua ja mei uuritɨkaɨ, akɨ daɨi ite kaɨ ua komekɨ
ifue, kaɨ ua rafuena ite, kaɨ taɨjɨena ite, daɨdɨkaɨ mei ja ɨfueritɨkaɨ,
ñoraɨnota, nimanota mei akɨ daɨi kaɨmare ja uurite.

\ref CORD44.031
\tx Iemona mei jɨaɨtubina iñede.

\ref CORD44.032
\tx Ja ie kaɨ ua jɨaɨ uiñoga uaina iñede, kaɨ uiñoga rafuena iñede,
nɨnena mei ua bite kaɨ koni uriye.

\ref CORD44.033
\tx Ie mei baie mei izoikana itɨno mei baɨfene mei kome jiibie duteita
yera meteita fia ua taɨno uaina ite.

\ref CORD44.034
\tx Ie mei bie izoikana ite mei ja kaɨ nimanoga ja kaɨ ñoraɨnoga
uafue mei daɨdɨkaɨ.

\ref CORD44.035
\tx Ie jira benomona bie izoikana kaɨ ua maɨriena ite, mei meidotɨkaɨ.

\ref CORD44.036
\tx Kaɨ ua taɨjɨe ua baɨ fɨɨa ua uiyena, fɨnokana uiyena, joonekana
uiyena, yokana uiyena, mei nɨɨ afe kaɨ ua birui yotɨkaɨ.

\ref CORD44.037
\tx Ie jira nɨɨ bie ua ja mei ua be ua jae batɨnomo ba daɨi ite.

\ref CORD44.038
\tx Ie afenomo ua feeko kɨoide, ua taɨfuena ite.

\ref CORD44.039
\tx Ie mei birui ja mei jooide, ja yeraberona ite, ja ua jiibizomana
jooide, ie nimanota, ñoraɨnota mei ja kaɨ ua dane maɨriekɨ bite,
uai bite, ja kaɨ komekɨ uibidɨkaɨ, ja nɨɨ mei ua daanɨ kaɨena itɨno.

\ref CORD44.040
\tx Ie yezika mei baie buuna nafueñega, ie yezika baie ua izoide
buuna kakareiñega, ie jira mei yoga.

\ref CORD44.041
\tx Bie izoi kaɨ itɨkaɨ, omoɨ uriakania mei onidomo uria, onidomo
makaa, ja mei daɨna.

\ref CORD44.042
\tx Ie izoide ba buu ua fia jiyakɨmona jɨaɨma ua rafue yote ua
gagukana uiñede, jɨaɨma taɨjɨe ua komekɨ judaɨkana uiñede, jɨaɨma
ua komekɨ ua faɨdokana uiñede.

\ref CORD44.043
\tx Koni jae ua akɨ daɨi ua ba einamakɨ yotɨmakɨ.

\ref CORD44.044
\tx Ie nɨeze iyanomona mei bie izoikana ua kaɨ itɨkaɨ kaɨ daɨna mei
uafori mei ite, ua taɨnona iñede.

\ref CORD44.045
\tx Ie jira mei menakaño ja ba ua bitenia mei ua jaɨkɨna jaaide.

\ref CORD44.046
\tx Nia ja ua afenori mei ja uriyafuena ja ɨkoɨ ua fia onido uuritɨomoɨ
kaɨ ɨko mamedo bitɨomoɨnia, ja mei kome ana raɨinano uurite.

\ref CORD44.047
\tx Ie baɨfene ja oni ¿o mɨnɨkana jaaide?

\ref CORD44.048
\tx Ie jira afe izoikana iñeiyenia mei yoga.

\ref CORD44.049
\tx Mei kaɨ bie izoikana kaɨ iya komekɨ daa oni ba kaɨ uruiaɨmo ite,
rɨngozamo eroide, jitokomemo eroide, nabaimo eroide, mei bie uai
akɨ daɨi bite.

\ref CORD44.050
\tx Ie jira afemakɨ raruiyano mei akɨ daɨi daɨdɨkaɨ.

\ref CORD44.051
\tx Ie jira bie fia daa taɨjɨe ua yotɨkaɨ aferi komekɨ jooneñedɨkaɨza ua
daaje kaɨ iya izoi ite ua komekɨ mei yotɨkaɨ.

\ref CORD44.052
\tx Ie jira afenori mei bie dɨona uai jiibina uai mei nɨeze ua oni ba
daanɨ bie omoɨ uibikafue bie daanɨ omoɨ ogano, ua jɨaɨza kaɨna
daɨiyena iñede.

\ref CORD44.053
\tx Mei nana naɨraɨ ua daaje dɨona fɨnode, daaje jiibina fɨnode, iadedɨ
mei ba imakɨ biyagobe biya izoi mei afemakɨ bite, kaɨ bie jɨaɨ kaɨ
oiakania izoi itɨkaɨ.

\ref CORD44.054
\tx Ie afena beno ua ba ite namakɨ kaɨna onode, kaɨ jɨaɨ afemakɨna
onodɨkaɨ, jɨaɨmakɨna onodɨkaɨ, jɨaɨ eikome komekɨmo jae ua ba
uzuma ua kakade, imakɨ dɨga nabairite iñede, mei ¿nɨnomona birui
uurite?

\ref CORD44.055
\tx Akɨ daɨi ite kuemona.