\_sh v3.0  400  Text
\_DateStampHasFourDigitYear


\ref CORD58.002
\tx Ubayamui iaiyɨnoɨ ie aɨ dɨga.

\ref CORD58.003
\tx Ie aɨ Enokaiño, enokaizaɨ ingo.

\ref CORD58.004
\tx Ie ɨere jefairede, ie jira ie ɨni Ubayamui ɨere raaofɨrede.

\ref CORD58.005
\tx Ie ɨni raauafɨrena mei Enokaiño jofomo izaide.

\ref CORD58.006
\tx Ie dɨno juziemo jaaiñeno ie ɨfo iko ɨfotɨaɨ dɨga naze fuemo
duñoda raɨikana ɨbuaɨ bota rɨfɨrede.

\ref CORD58.007
\tx Akie izoi ifɨrede.

\ref CORD58.008
\tx Ie ie ɨnina daɨfɨrede, jofomo o biadedɨ io fue ite ragoda o titari
daamani dɨgakaño.

\ref CORD58.009
\tx Ie izoi naaga mona meine ie bia ragoda titafɨrede.

\ref CORD58.010
\tx Ie fakai afe rɨngo jarire meine abɨdo ie ɨfo iko itɨraɨ jɨtafɨrede.

\ref CORD58.011
\tx Iemo ja ie ɨni Ubayamui dukɨifɨrede.

\ref CORD58.012
\tx Ua daɨi ifɨrede.

\ref CORD58.013
\tx Ie jino jakafaɨmo jaaiyana gaɨñede.

\ref CORD58.014
\tx Ie ɨnina daɨfɨrede, ɨere mona uzirede juzie ana kurunide.

\ref CORD58.015
\tx Ie jira ie ɨni ja afengona daɨde, o mamekɨ aaokongo iteza.

\ref CORD58.016
\tx Dɨnomo akie mamekɨ ja afengo ote, jae.

\ref CORD58.017
\tx Ie ja juziemo ie ɨni ikɨriya jira jaaifɨrede.

\ref CORD58.018
\tx Iena daɨde, juzie ana ɨere nirideza o kuruairi.

\ref CORD58.019
\tx Jii daɨde.

\ref CORD58.020
\tx Ie Ubayamui raaofɨrede.

\ref CORD58.021
\tx Ie jaka daɨi iena daɨfɨrede, o biadedɨ io ana ite ragoda o titari,
daɨde.

\ref CORD58.022
\tx Ie jira afemɨe biyano titafɨrede.

\ref CORD58.023
\tx Iena kakaiyano afeɨe aaokongo mamekɨ ote amena jɨfogɨ aiyora
emodomo raɨikana ie ɨfo iko ɨfotɨaɨ duñoda ɨbuaɨ bofɨrede.

\ref CORD58.024
\tx Ie yezika ie ɨfo emuirudade jakɨre, nɨno fia kenibogɨide.

\ref CORD58.025
\tx Ie dɨga buregɨaɨ, uneyumaɨaɨ, jiraɨaɨ fia nɨnomo junafɨrega, ua
daɨi ifɨrede.

\ref CORD58.026
\tx Ie ɨkoɨmo ie ɨni ja daɨde, ua ¿nɨbai afe rɨngo kuena o bia ragoda
o titari daɨfɨrede?, nɨbaɨ jɨaɨe ɨima dɨga ifɨrede, ieita daɨi kuena
daɨifɨrede.

\ref CORD58.027
\tx Daɨnano ja ragoda titañeno bite.

\ref CORD58.028
\tx Ie ñeta baɨna juzie fuedamona ua fɨɨa jaaiyano eroide.

\ref CORD58.029
\tx Ie kɨodemo fia nɨno ua fia ɨfokɨ jakɨre kenibogɨidemo erokaide,
dɨga buregɨaɨ, dɨga uneyumaɨaɨ, dɨga jiraɨaɨ fia junaka ua jitoma
jaɨkɨri ia uzirena fakai.

\ref CORD58.030
\tx ¡Aɨ!, daɨde Ubayamui, ɨko ua ɨaɨba raana kue aɨredɨkue, daɨde.

\ref CORD58.031
\tx Ie ñeta jakɨnaite, uainino jofomo jaaide.

\ref CORD58.032
\tx Ie ja jofomo jaaiyano afemɨe ja yerakɨ mete.

\ref CORD58.033
\tx Ua daɨi ja ua mona navuide.

\ref CORD58.034
\tx Ie afengo daɨde, ¿nɨeze ite kue ɨni biñena ie bia ragoda
titafɨrede?, daɨde.

\ref CORD58.035
\tx Ie ja navuiya jira ja bite jofomo.

\ref CORD58.036
\tx Mei ua ɨaɨbaza jae kɨokaza ie ɨfotɨi ñue ja jɨjɨñede ie ɨfokɨmo.

\ref CORD58.037
\tx Daɨi jakɨre bite.

\ref CORD58.038
\tx Ie ja afemɨe daɨitana jira naze ɨbaide.

\ref CORD58.039
\tx Ɨbaiyano afe rɨngo dukɨna fakai daɨde, ua rɨngodɨoita ñeiri ɨaɨba
rɨngodɨo kuemo ɨnireiya.

\ref CORD58.040
\tx Meita ɨaɨbadɨoza o biemona kafeniño rɨngona ja fɨebitɨo, daɨi
Ubayamui ie faidode.

\ref CORD58.041
\tx Daɨngo o fɨebiye jiyakɨ ja daɨi fuiya, daɨde.

\ref CORD58.042
\tx Dɨnomo ja bie komogɨma rɨngona imakɨ ɨaɨruiga rɨngo fɨeitɨkue,
akɨ dɨnomo afe uibi ite.

\ref CORD58.043
\tx Ie ja Ubayamui afengo fɨeda, ie jaaiya abɨnia afengo ie fekabemo
kaifo raɨnade.

\ref CORD58.044
\tx Ie ua naari ja jaaikaifɨrede, ua ie raauaiyado ie dɨga jaaifɨrede.

\ref CORD58.045
\tx Jiibie ie duia ie fekabemo raɨide, naari ɨnɨfɨrede.

\ref CORD58.046
\tx Ie ua ja afemɨe Ubayamui ua guinide, afe rɨngo ua jefairede ua ja
raana jetanide, ua makanide.

\ref CORD58.047
\tx Ie ja yɨkɨzɨ okaina iena ja rɨakañede, chamu izoide ie oiadedɨ
iobifɨrede, ie ja ie guiadedɨ ja afeɨe rɨngo fekabemo raɨideza ie
fuemona kuero-kuerokoɨ guifɨredeza.

\ref CORD58.048
\tx Ja mei ie guitatañede Ubayamuidɨ ja jaɨronaite, jaka oni ua
raɨnanide.

\ref CORD58.049
\tx Iemo benena ie fekabemo fia yui-yuifɨrede.

\ref CORD58.050
\tx Ie jira Ubayamui daɨde, ¿nɨeze ua bie ñeitɨkue?, ie jira ja ie yerakɨ
ota, meta, ja jɨfaide.

\ref CORD58.051
\tx Iemo ja ie joriaɨ daɨde, fɨgo iri, Ubayamui, bie rɨngo o
fekabemona o kunuñenia o tɨtaiteza, iena daɨde, o fekabemo mei
maɨri ie yui-yuiga ja o abɨmo jaɨnadeza, daɨde.

\ref CORD58.052
\tx Ie jira ja Ubayamui daɨde, rɨye jenoitɨkueza ana raɨi.

\ref CORD58.053
\tx Ie afengo ɨɨnoñede.

\ref CORD58.054
\tx Ie jira ja iena daɨde, koko io ana ite iyetue eraɨ yaɨtɨkueza ana
raɨitɨoza, daɨde.

\ref CORD58.055
\tx Ie ɨɨnoñede.

\ref CORD58.056
\tx Ie jira naari iyetue eraɨ yaɨte.

\ref CORD58.057
\tx Ie ñeta ja yerakɨ meta komekɨ fakade.

\ref CORD58.058
\tx Iemo ja nanoide Ubayamui ɨrɨgɨ chuunote, jodayu chuunote, zeda
chuunote.

\ref CORD58.059
\tx Ie ñeta ja ie yaɨga iyetue eraɨ ja jɨnede, afe iyetue jofona jorai.

\ref CORD58.060
\tx Afemo nɨɨ kuaɨ kɨrɨna mei ie chuunogaza, meita naado fia ɨrɨgɨ
jiide, jodayu jiide, zeda jiide.

\ref CORD58.061
\tx Ie jira ja ie aɨna daɨde, ana raɨi ua due ebire jiiñedeza, daɨde.

\ref CORD58.062
\tx Ie Ubayamui uiyobetɨaɨ ie yaɨga iyetue arɨfene jobede.

\ref CORD58.063
\tx Ie ñeta, ana raɨi, iena daɨde.

\ref CORD58.064
\tx Ɨɨnoñede.

\ref CORD58.065
\tx Ie naari ɨrɨgɨ ana ba iyemo kaizaiyano arɨ ote.

\ref CORD58.066
\tx Nɨnomo fia ɨrɨgɨ kuaɨna oruide.

\ref CORD58.067
\tx Ie jobeka uiyobetɨaɨmo guaɨtade.

\ref CORD58.068
\tx Ie ja afe rɨngona daɨde, mai ana raɨi, ua ɨere kuaɨ kɨrɨdeza o
rɨyena ɨrɨgɨ fue ñue ɨbaitɨkue.

\ref CORD58.069
\tx Fia ua nɨnomo kuaɨ uzere fia kɨoide.

\ref CORD58.070
\tx Iena kɨoiyanona ie fekabemo ana raɨnada, fia ua kuaɨ ja ua rɨte.

\ref CORD58.071
\tx Dɨnomo ja bie ɨrɨgɨ, jodayu, zeda niyafue ja komuide.

\ref CORD58.072
\tx Nano fueñe mei Ubayamui jae raana mameka rɨye chamu oyena.

\ref CORD58.073
\tx Ie Ubayamui afengo bifuena ana raɨnaja mei ɨrɨgɨ jɨniaide.

\ref CORD58.074
\tx Ie bujukaiyano ɨrɨgɨ jɨneñeno dotajano afe ɨrɨgɨ ifodo jaaide.

\ref CORD58.075
\tx Fuirɨfenomo zuuiyano arɨ ja jaaiyanona ie jofomo jaaide.

\ref CORD58.076
\tx Ie ñeta ie naze rɨire ɨbaide nana jofo ifo ie rɨire ɨbaide.

\ref CORD58.077
\tx Ie afeɨe rɨngo Kafeniño Ubayamui guaɨtaka kuaɨ rɨta fuitajano
navuife ja bite.

\ref CORD58.078
\tx Ubayamui ua kaifo jofo ero ɨkoɨmo kaifo ie kɨnai neta afemo
jooide.

\ref CORD58.079
\tx Ie kakareide.

\ref CORD58.080
\tx Iemo iodo ja bite, nɨnomo jarede ɨfokɨza fia dirizikana bite, nɨne
kakaide.

\ref CORD58.081
\tx Ie jofo nazemo dukɨidemo naze rɨire ɨbaika.

\ref CORD58.082
\tx Dɨno fia diri-diride, jofo abɨdo irunina jaai-jaaide.

\ref CORD58.083
\tx Ie ja uai botade, ɨima Ubayamui, jofo kue ono, naze tuuiño,
daɨde, o reɨkɨ rɨngodɨkueza jofo kue ono.

\ref CORD58.084
\tx Ubayamui jaka faɨrioñede, ua daɨi ihide.

\ref CORD58.085
\tx Iemo ja mona monaiakade.

\ref CORD58.086
\tx Ie zuaire jɨɨjɨɨride.

\ref CORD58.087
\tx Ie jira Ubayamui erei raiñoda, ie yokofe ie tɨafai ie rabagɨnaɨ jino
dotada, ja ua mona monaiakana yezika iena daɨde, jadɨ o yokofe,
jadɨ o tɨafai jadɨ o rabagɨnaɨ, ie nɨbaɨ jɨkadɨo, iena daɨde.

\ref CORD58.088
\tx Ie ja afe Kafeniño ɨfokɨ Ubayamuina daɨde, ¿mɨnɨkana jaaitɨkue?

\ref CORD58.089
\tx Nɨbaɨ efana jaaitɨkue, daɨde, aa-aa-aa, daɨde, jaka kuemo baiñediii.

\ref CORD58.090
\tx ¿Mɨnɨkana jaaitɨkue? 

\ref CORD58.091
\tx Nɨbaɨ taikɨna jaaitɨkue, tai-tai-tai, ie daɨde, jaka kuemo baiñede.

\ref CORD58.092
\tx ¿Mɨnɨkana jaaitɨkue?, daɨde.

\ref CORD58.093
\tx Nɨbaɨ korayana jaaitɨkue, ja kora-kora-kora, jaka kuemo baiñede.

\ref CORD58.094
\tx Ie dano jɨka-jɨkanode ua nɨbaɨ ua jaka ua jenode.

\ref CORD58.095
\tx Ie jira ja iraɨkaño, ɨima Ubayamui, daɨde, nɨbaɨ marukuna
jaaitɨkue, daɨde, maa-ru-kuu kuu kuu, maru-kuu kuu kuu, akɨ
kuemo baite.

\ref CORD58.096
\tx Ie jira ja yerakɨ meta fuunote, ¡ffuu! marukuna jaaitɨo, daɨde.

\ref CORD58.097
\tx Fui joforue namakɨ komuiadɨ fui ie zoofefiya jino dɨno fui rɨngo
tɨɨiakania ie uaido eeitɨioza.

\ref CORD58.098
\tx Arɨ batɨ ua Muruima ie reɨkɨ rabiraɨ dɨnomo raɨitɨoza.

\ref CORD58.099
\tx Ie ja jino dotaka ja bizikɨdo ja urikaide jae ua kuremo bifuega
rɨngo.

\ref CORD58.100
\tx Ie Ubayamui dotaka yokofe ie iaikona jaaide, tɨafai odana jaaide,
rabagɨnaɨ ie ɨdaɨna jaaide.

\ref CORD58.101
\tx Akɨ daɨi mei maruku ikakɨ arɨ fuite.